掃呢頁CODE去手機

2016年3月17日 星期四

隊十支紅酒  Bosco搞掂 29AA日模 [壹週刊 - 1358] Bosco,M1,黃宗澤

探熱針隊十支紅酒 Bosco搞掂29AA日模舊愛胡杏兒嫁人做李太,黃宗澤都唔執輸,衝出香港,同日本modelJun行埋,同老模楊崢姊弟戀快來快去,今鋪愛上日模,在Bosco小心保護下,二人已拍拖七個月。去年8月,因為合作拍廣告而認識,Bosco更第一時間出擊,邀請對方收工去劈酒,結果一撻即着!日前女友由日速遞到港,被撞破同Bosco酒店宿一宵,戀情終於見光。上圍僅得29AA的Jun,原來大有來頭, ...


探熱針

隊十支紅酒  Bosco搞掂 29AA日模

舊愛胡杏兒嫁人做李太,黃宗澤都唔執輸,衝出香港,同日本 model Jun行埋,同老模楊崢姊弟戀快來快去,今鋪愛上日模,在 Bosco小心保護下,二人已拍拖七個月。

去年 8月,因為合作拍廣告而認識, Bosco更第一時間出擊,邀請對方收工去劈酒,結果一撻即着!日前女友由日速遞到港,被撞破同 Bosco酒店宿一宵,戀情終於見光。

上圍僅得 29AA的 Jun,原來大有來頭,是日本高級時裝雜誌常用的「人肉衣架」,更是多個歐洲品牌的御用紅模。

高瘦平有齊

被踢爆同日籍女模 Jun酒店包房過夜,孖住行超市買餸玩煑飯仔。對戀情一向拉鏈嘴的 Bosco黃宗澤,今次冇得抵賴,直認同 Jun「了解中」。

新任澤嫂是日本紅模,在日本茨城出世,有五呎八吋高,腰幼得二十二吋,但上圍就平平無奇,僅得 29AA。有齊高瘦平三項特質,正宗 model身形,啱晒 Bosco胃口,去年與 Jun合作拍廣告,一見嗒糖。

去年八月合作拍廣告,收工後 Bosco主動相約女方飲酒直落,事後 Jun在 ig晒戰績,當晚一共開了十支紅酒。

Bosco被踢爆同日模 Jun酒店宿一宵,事後他默認:「了解中!」

戀情見光翌日, Bosco為新劇《幕後玩家》開工遲大到,被追問新戀情,他仲埋怨記者:「唔俾時間我識女仔!阻住晒!」

一見嗒糖

機不可失!據了解,拍廣告當日, Bosco以一盡地主之誼為由,提出收工後他請客,請 Jun同工作人員一齊飲酒慶功,據有份在場的工作人員指,當晚大班人一共開了十支紅酒,氣氛升溫, Bosco趁機向對方抄牌交換電話,結果一擊即中。行埋七個月,雖然分隔兩地又有語言障礙,但關係仍火速發展。

「 Bosco一向喜歡啲高高瘦瘦 model身形嘅女仔,之前佢同楊崢都係一見就着嗰隻。 Jun無論年紀、外形都係佢杯茶,至於語言方面, Jun識講英文,但 Bosco英文唔算流利,但勉強都溝通到。」 Bosco身邊人說。

前年, Jun在蘆薈飲品廣告中,著上白裙騎大象,被日本網民捧做「脫俗女神」。

身高五呎八,上圍僅得 29AA的 Jun,著上比堅尼時平如鏡。

高級品牌御用

Jun雖然樣貌唔算標青,但夠型夠格,同時被日本和巴黎的 model公司睇中簽約。去年尾,她接拍了一個蘆薈飲品廣告,廣告中穿上白色長裙騎大象,被日本網民激讚。

除了日本本土市場, Jun也是多個歐洲高級品牌的御用 model,比起楊崢姐姐, Bosco今次可以大大聲認:我女友係 model!

同胡杏兒拍拖 8年,有指 Bosco多次背女友偷食,搞到分手收場。甩拖後,杏兒搵到真命天子 Philip Lee,嫁埋做李太。

14年, Bosco同楊崢被爆姊弟戀,更被目睹在西餐廳嘴嘴,但戀情見光死。

早前有傳 Bosco同大陸女星孫驍瀟拍劇撻着,女方更繑實 Bosco媽咪睇首映,一家人一樣。

撰文、攝影、攝錄:娛樂組


鍾意就快D Share啦!