希望幫到手！
（設計對白）
探熱針
《美人魚》出 10分鐘 魚毛 Barbie脫貧
周星馳賀歲片《美人魚》上映 34日，收 33.5億，在國內的映期長至今年六月，史無前例！女主角林允由零起跳到出國際騷密密賺，就算只是出鏡十分鐘的夏尉喻（ Barbie），亦有大轉機。為生計，曾經一身兼數職的她，最近憑《美人魚》「小電鰻」一角在內地做真人騷，以自身慘痛經歷死過翻生在內地為人認識，如今騷價四萬蚊一個，可以脫貧。
搞喊評判
在《美人魚》晒 36G巨胸扮醜的 Barbie，得幾句對白，不過孭住《美人魚》演員招牌，一樣有運行。
早前 Barbie參演真人騷《花漾夢工廠》，除了搞笑扮學生考演技，童年冇父母照顧以及死過翻生的真實故事，更加打動一眾評判，有份俾分的影后秦海路，亦聽到眼濕濕。
「 Barbie份人好直，佢唔介意講自己身世，好似幾年前要自己 call白車入醫院急救，做完心臟手術先通知屋企人嘅經歷，評判聽完都好感動，觀眾亦開始留意佢。節目出街之後，有人搵佢做嘢，當然全靠《美人魚》帶挈，喺內地，只要同星爺扯上關係，都特別多人留意。」知情者說。
唔會轉工
年屆三張，事業終於出現轉機。有微電影洽談中，亦有不少商演搵上門，騷價由四萬蚊起跳，對於試過等開工期間，窮到要問朋友借錢周轉交租的 Barbie來說，脫貧有望。
「拍《美人魚》時， Barbie同個阿姨有唔少對手戲，嗰個阿姨原來已經唔係第一次同星爺合作，喺《西遊•降魔篇》係羅志祥身邊嗰四個大美人其中一個，成套戲得兩句對白，仲要成六十歲，不過拍完部戲之後，不停接 job，兩三年時間，就已經有兩層樓揸手！有阿姨做人辦，所以 Barbie好開心，自己有機會泊到星爺。」知情者說。
目前仍固定在 IT公司做市場推廣的 Barbie，雖然搵銀機會陸續有來，但她沒有想過辭工。
「我同公司早已經有共識，如果要拍戲或者有幕前工作，公司可以遷就我嘅時間，所以暫時都唔會離開呢間公司。」 Barbie說。
掹車邊都掂
唔使靚唔使好演技，只要俾星爺揀中，無論是小強定大媽，一樣可以靠一個小角色，掹車邊食胡。
陳炳強
在《西遊•降魔篇》扮豬八戒，出鏡要戴豬頭套的陳炳強，本來是幕後工作人員，後來做了星爺的助手，因為飾演豬八戒的演員做極都唔啱星爺心水，最後陳炳強執二攤上陣。三年以來，憑豬八戒成為幾層樓業主。
張美娥
在《西遊》做羅志祥身邊四大美人之一的張美娥，《美人魚》又得 encore扮美人魚，據知，星爺在片場經常搵她傾偈，泊咗星爺碼頭後，娥姐多咗兩層樓揸手。
撰文、攝影、攝錄：娛樂組
|
鍾意就快D Share啦！
|
|
|
