掃呢頁CODE去手機

2016年3月17日 星期四

14K奇人鬍鬚勇設靈 [壹週刊 - 1358] 鬍鬚勇,14K,M1,

才下午三點幾,靈堂已逼滿了各路江湖人物,鬍鬚勇的喪禮,場面可謂近年罕見。爆壹爆14K奇人鬍鬚勇設靈唔少江湖叔父同爆哥講,14K油尖旺話事人鬍鬚勇,係現今黑道中,其中一位最有分量嘅江湖大佬,由於14K內部多次想推舉佢統一幫派,但佢都拒絕,與世無爭反而獲得更多江湖人敬重。同癌魔抗爭十年,鬍鬚勇最後因病逝世,本週一和週二在世界殯儀館設靈,差唔多整個江湖中猛人都有來致祭,場面非常壯觀。鬍鬚勇生前最傳奇係, ...


才下午三點幾,靈堂已逼滿了各路江湖人物,鬍鬚勇的喪禮,場面可謂近年罕見。

爆壹爆

14K奇人鬍鬚勇設靈

唔少江湖叔父同爆哥講, 14K油尖旺話事人鬍鬚勇,係現今黑道中,其中一位最有分量嘅江湖大佬,由於 14K內部多次想推舉佢統一幫派,但佢都拒絕,與世無爭反而獲得更多江湖人敬重。同癌魔抗爭十年,鬍鬚勇最後因病逝世,本週一和週二在世界殯儀館設靈,差唔多整個江湖中猛人都有來致祭,場面非常壯觀。

鬍鬚勇生前最傳奇係,非常受內地人崇拜,佢喺內地嘅專欄更係當紅,佢傳出死訊嘅視頻喺大陸竟高達近二百萬點擊。喺佢離世之前,內地傳媒就派咗一支攝製隊貼身訪問佢,拍攝佢最後歲月,據知訪問中有大量江湖人物出鏡,鬍鬚勇更大爆生前秘聞,包括當日涉及劉嘉玲被打和掌摑事件。

鬍鬚勇最後歲月中,騰訊播出訪問場面同背景音樂都好感人,原來以拳頭打遍江湖嘅鬍鬚勇,回家最大興趣係玩貓,非常溫情。另一方面,每日又會袋住大疊金牛落場打麻雀,亦有大班朋友追隨佢身邊一起跳舞。成個訪問片都冇旁述,都由鬍鬚勇自己剖白,相當破格。爆哥覺得最感人之處係,佢話自己往生後,希望兒女唔需要大富大貴,做人最緊要開心就可以。

一幅輓聯由澳門大家姐司徒玉蓮親筆書寫,下款更題上「天國見」。

大批幫眾列隊上前敬香。

以惡見稱,回家反而對隻貓百般憐愛。

生前日日豪賭,隨時一百幾十萬在身。

人妖鳳樓 嫖客喊爆

前幾日,雞蟲朋友魚蛋強喊晒口咁打俾爆哥,話自己早前去旺角建興幫襯一樓一時,好似瀨咗嘢。唔係中三角嘜呀?佢話仲慘過中三角嘜,究竟咩事咁悽慘呀?魚蛋強初時吞吞吐吐唔肯講,之後爆哥經過連番追問,佢先至講出原因。原來,佢懷疑個鳳姐係變性人,「我可能玩咗個男人,仲打埋茄輪添,嗚嗚嗚……,上網一睇,原來好多師兄都中咗招。」魚蛋強邊講邊喊,爆哥就笑到碌地,魚蛋強呢個情況,的確係男人最痛,哈哈哈。

魚蛋強話,嗰日佢入到房已覺唔妥,條泰妹骨骼粗壯,成副男人 body。本來想走,但條女死拉住佢,佢就是是但但啦。之後魚蛋強上討論區,先知原來旺角建興依家有三成鳳姐都係泰國變性人,而元朗同土瓜灣亦係重災區,仲有唔少師兄中招添。有啲仲係人妖,客人入房就熄燈,希望搏大霧過骨。人生總有迷失嘅時候,魚蛋強,睇開啲啦,當去了轉泰國囉。

這是網民報告。

女主持直播性商品

網上銷售潮流,已經遍及各行業。唔少女性朋友同爆哥講,每次去性商店買嘢都會好尷尬,但上網買又只係得幅相睇,買了隨時唔啱用。莫講話女人仔,就算爆哥見慣大場面,都唔好意思入性商店,俾朋友見到仲有面嘅?早排有性商店可能睇準客人又怕痕又有癮心態,竟然搵到個女主持,網上直播幫性商店介紹性用品,好搞鬼喎。

女主播 Sandy每日返到性商店,就會開 cam直播,只要上網就睇到。客人想了解產品,就要登記成為會員,之後就可以同 Sandy一對一傾偈介紹產品, Sandy仲會向客人講解各種用品特色。其他人聽到咪好瘀皮?咁又唔會,因為一對一傾偈時,其他人係聽唔到,不過就要排隊,逐個逐個傾。而到咗夜晚, Sandy仲會同個男拍檔阿 Ben一齊開騷,講性用品同埋性知識,爆哥都有睇過,內容同字眼都好鬼露骨大膽,不過最新消息,條女頂唔順太多人問嘢已劈炮唔撈,依家要搵另一個新女主持喎。

爆哥乜料

金融界撈家,穿梭黑白政商界,朋友遍布旺角至中環,每星期都八到唔同料,同《壹》仔讀者過吓癮!


鍾意就快D Share啦!