掃呢頁CODE去手機

2016年3月17日 星期四

關心妍 5皮嘢 請千嬅御用陪月 [壹週刊 - 1358] 關心妍,楊千嬅,千嬅,M1,

探熱針關心妍5皮嘢 請千嬅御用陪月恭喜恭喜!結婚7年,關心妍(Jade)終於成功為老公楊長智(Jonas)佗B,老婆有咗五個月,愛妻的Jonasbook掟五萬蚊一個月的星級陪月照顧坐月外,又裝修定新居,迎接七月出世的猴B。睇心臟科一年三十六歲的關心妍,造人造足七年,終於得償所願。早前,本刊見到Jade在老公楊長智陪住到中環睇中醫,原來大住肚的Jade除了又嘔又暈,還頭痛得很厲害。「之前一路都OK嘅 ...


探熱針

關心妍 5皮嘢 請千嬅御用陪月

恭喜恭喜!結婚 7年,關心妍( Jade)終於成功為老公楊長智( Jonas)佗 B,老婆有咗五個月,愛妻的 Jonas book掟五萬蚊一個月的星級陪月照顧坐月外,又裝修定新居,迎接七月出世的猴 B。

睇心臟科一年

三十六歲的關心妍,造人造足七年,終於得償所願。早前,本刊見到 Jade在老公楊長智陪住到中環睇中醫,原來大住肚的 Jade除了又嘔又暈,還頭痛得很厲害。

「之前一路都 OK嘅,但佗到第三個月,開始出現好嚴重嘅偏頭痛,連瞓覺都會痛醒,睇極醫生都解決唔到,有咗好多藥唔食得,醫生只係開止痛藥。有朋友提議我睇中醫,但老公唔想,因為前幾年想調理好個身體有 BB,點知睇中醫食中藥搞到個心有事,啲藥太補,搞到個心亂跳,睇心臟科睇咗一年先好番,所以而家老公仲係好反對睇中醫。」關心妍說。

千嬅當年誕下 Torres,除請兩個工人照顧,還請星級陪月幫手照顧 Torres。

Jonas錫老婆出晒名,加上老婆佗住 B,無論出入還是上落,他都會小心扶着 Jade,照顧周到。

想生女的 Jonas,在𨋢內見到手抱小女孩,忍唔住撩她,流露出一副慈父樣子。

妊娠期出現偏頭痛的 Jade,當日約了時間睇中醫,一入診所便登記,急切求醫。

痛到似俾刀插

擔心睇中醫又再出事,但 Jonas見老婆頭痛厲害,亦只好妥協。

「 Jonas嘅顧慮我好明白,但我勸佢俾我試多次,因為個頭真係痛到好似俾把刀插,睇吓中醫講乜,試吓食中藥;呢個中醫之前都有睇過,亦唔係睇到個心有事嗰個。醫師話我有咗體質改變咗,飲薑水、紅棗水飲到肝火盛,唔夠血,都係食番啲中藥調理身體,而家冇乜大礙。」

早前,本刊在中環見到 Jade在老公 Jonas陪伴下看中醫,原來 Jade懷孕後有嚴重偏頭痛,希望食中藥後能紓緩痛楚。

懷孕五個月的 Jade,行得多會腰酸背痛,不時以手撐腰,減輕負荷。

為了 BB戒食所有生冷嘢的 Jade,見到咖啡店內的蛋糕,只能望梅止渴。

好陪月難求

老婆七月生得, Jonas搵咗千嬅當年生 Torres的陪月俾老婆,據了解,要預早夾定檔期外,月薪更高達五萬,勁渴市!

「好嘅陪月好難揾,好彩係有朋友介紹,其中有啲都好好,但好難 book!咁啱呢個七月尾完上一個 job,夾到我七月中或尾生個期。雖然係貴,但呢啲唔慳得,其實呢個陪月已經好好,冇獅子開大口,又二十四小時 on duty,頭幾個月都要佢幫手,我亦會學,之後自己湊。」關心妍說。

今年二月, Jade上載與老公及猴年公仔的合照於網上各大平台,宣布佗猴 B。

自從佗 B成功後, Jade愛上入廚, Jonas大有口福。

雖然腹大便便,但愛熱鬧的 Jade仍捱眼瞓捧陳慧嫻場。

谷到冇衫啱著

除了陪月員,打算產後餵人奶的 Jade還計劃搵回奶奶媽幫手。

「奶粉已經有人 sponsor,但我睇自己身體情況,都會試餵人奶,亦有聽過回奶奶媽,到時睇吓有幾艱難先去諗,平時自己(上圍)都 OK,而家谷(奶)都谷到好犀利,原來可以咁厲害,已經冇衫可以著。」

為了迎接 BB, Jonas已搵定地方搬,等 BB出世有新屋住。

「間新屋仲裝修緊,朋友話佗緊 B唔好搬屋,所以會生咗之後先搬。」關心妍說。

Jonas與 Jade是圈中的模範夫妻,二人經常出埠旅行,恩愛如拍拖中的情侶。

早年, Jade因急着想有 BB而多次被拍得買補品及花膠補身,又喝了過多的補藥,結果弄巧反拙,搞到心律不正,花了一年時間睇心臟科才康復。

結婚七年造人造足七年, Jade與 Jonas今年終於得償所願,猴 B將於七月中或尾出世。

二月拍新歌《空心人》 MV時,大住肚現身的 Jade狀態不錯。

巴閉陪月

中國人注重產後坐月,名人明星對挑選陪月員尤其嚴格,呢份工人工高,但唔易賺,要過關斬將睇吓你有冇料到。

呂麗君

10年,呂麗君為大劉誕下慈姑椗子鋒,產前大半年,已嚴選二十多位陪月進行面試,眾人要連過六關,包括:基本餵奶、急救常識問答、品格測試等,最高分三名獲取錄簽保密協議,每人月薪六萬。

郭晶晶

13年 8月郭晶晶為霍啟剛添丁,霍家嚴陣以待,挑選了五名頂級陪月服侍國寶新抱。陪月員首要操流利普通話,面試時同樣要簽保密協議,慎防 B仔資料外洩。之後還要接受一連串測試,十分誇張。

撰文、攝影、攝錄:娛樂組


鍾意就快D Share啦!