掃呢頁CODE去手機

2016年3月17日 星期四

熊黛林 12月結婚 郭可頌與前妻手續未清  Ami恩愛相繼續 po [壹週刊 - 1358] 郭可頌,熊黛林,M1,

郭可頌同熊黛林孖住去台灣度假浸溫泉。探熱針熊黛林12月結婚 郭可頌與前妻手續未清 Ami恩愛相繼續po熊黛林(Lynn)卸下「城嫂」光環後,14年底被踢爆跟郭可盈胞弟郭可頌撻着,拍拖唔夠兩年,二人多次傳出婚訊;上月,熊黛林自爆男友送三卡鑽戒求婚成功,並計劃今年12月拉埋天窗。再做新郎,13年跟前妻Ami協議離婚的郭可頌,14年仍舊以老公身份送蛋糕為對方慶祝生日,但同年底,又孖熊黛林飛台灣二人世界。 ...


郭可頌同熊黛林孖住去台灣度假浸溫泉。

探熱針

熊黛林 12月結婚 郭可頌與前妻手續未清  Ami恩愛相繼續 po

熊黛林( Lynn)卸下「城嫂」光環後, 14年底被踢爆跟郭可盈胞弟郭可頌撻着,拍拖唔夠兩年,二人多次傳出婚訊;上月,熊黛林自爆男友送三卡鑽戒求婚成功,並計劃今年 12月拉埋天窗。

再做新郎, 13年跟前妻 Ami協議離婚的郭可頌, 14年仍舊以老公身份送蛋糕為對方慶祝生日,但同年底,又孖熊黛林飛台灣二人世界。

三角關係唔清唔楚,郭可頌跟前妻 Ami婚前購入一個市值一千八百萬的南灣物業,至今仍共同持有。近日熊黛林宣布嫁人,耿耿於懷的 Ami,仍然將郭可頌由求婚至 14年替她慶祝生日的恩愛夫妻相 po上網,擺明唔刪。

情人節求婚

三十五歲,一心等嫁的熊黛林,在經理人公司春茗自爆收三卡求婚鑽戒,暗示即將拉埋天窗做郭太外,早前出席宣傳電影活動,公開講男友愈講愈興奮,大讚對方貼心又錫自己,拍拖短短年多,已為她改變很多。

據了解,郭可頌在情人節求婚成功,二人已計劃今年十二月舉行婚禮,至於大搞定低調,再娶的郭可頌任由女友揸主意。

14年

郭可頌攬住 Ami慶祝生日,依然恩愛。

14年

郭可頌以老公身份送 Hello Kitty蛋糕俾老婆 Ami。

12年

二人 12年 10月結婚,在尖沙咀洲際酒店大排筵席。

11年

在 Ami的 fb,仍然 po有 11年郭可頌向她求婚的相,連求婚戒指都有影低。

跟前妻慶生

前夫速戀 Lynn再婚,不過,前妻 Ami至今仍未放得低。

一四年十二月,熊黛林被本刊踢爆陪郭可頌飛台灣浸溫泉而揭發戀情。一二年十月同前妻 Ami結婚的郭可頌,有指第二年已經搞離婚,回復單身後,才跟熊黛林開始。但原來在一四年一月,他仍以老公身份為 Ami慶祝生日。

「 Ken喺一四年同 Ami慶祝生日時,前後切咗兩個蛋糕,一個仲係 Ami鍾意嘅 Hello Kitty蛋糕, Ami著住睡衣喺屋企吹蠟燭,寫明係老公送嘅,同一年內攬住老婆慶祝,又離婚,又同 Lynn拍拖!

「不過變咗心就係變咗,當時兩個人成日嗌交,但估唔到 Ken咁快就可以投入另一段感情。離婚後, Ami至目前都未刪走 Ken向佢求婚、慶祝生日嘅親密相,可想而知佢未放得低。仲有,佢兩個結婚時住緊嗰層樓,而家仲未放盤。」知情者說。

已經融入郭家的熊黛林,早前參加家姐郭可盈囡囡的生日 P。

愛巢未賣

郭可頌與前妻共同持有的南灣愛巢,至今仍未售出。

送波子鑽錶

郭可頌出名錫身邊女人,就算過去式,他自言跟前妻依然保持好朋友關係,對準老婆熊黛林,他更加大方,拍拖一年多,送錶送車冇手軟。

「 Ken對 Lynn好好,有錢又唔孤寒。拍拖冇耐,佢已經成日送禮物氹女朋友開心, Ken鍾意送錶,一出手都廿幾卅萬,亦送過隻過百萬、鑲滿鑽石嘅錶俾佢,不過 Lynn好低調,盡量都唔會戴出嚟晒!」

迴避問題

本刊向郭可頌求證前妻 po相一事,他在電話中說:「我冇留意,冇用 fb好耐, sorry我開緊會。」便匆匆掛線,擺明迴避問題。

有豪宅揸手,熊黛林行頭十足,就連 Lynn媽亦愈來愈富泰。

千萬單位揸手

事實上,熊黛林平日 po上網的生活相,永冇男友出現,直至今年情人節,才將一隻摸住她塊面的男人手放微博,當日正是郭可頌求婚成功。至於男友的心意,她間唔中也會忍唔住放閃。

「 Lynn好少戴錶戴首飾影相,當年城城送俾佢嗰隻三卡求婚戒指,佢收到之後咁開心,都冇 po過一張相上網,不過 Ken就唔同,早排收到男友送嘅波子, Lynn揸住部車時,都會影吓軚盤,識車嘅人一睇,就知佢揸緊波子。」知情者說。

據了解,近日郭可頌又再出手,送了一個價值過千萬的嘉亨灣單位給 Lynn揸手,未正式做郭太,已收過千萬大禮,熊黛林幸福滿瀉。

熊黛林對異性有一手,早前與韓國當紅的李光洙拍內地節目,對方幾乎被她電暈。

郭富城與 Lynn分手前,才開水喉送上 80萬的 Range Rover jeep,點知二人真係不敵七年之癢。

過千萬大禮

郭可頌有父蔭衣食無憂,對 Lynn出手闊綽,拍拖近兩年,禮物以千萬計。

3卡鑽戒

20萬 Rolex錶

逾千萬嘉亨灣

逾 80萬波子 jeep

手尾長

結婚只係簽張紙,但離婚就麻煩得多,要分呢樣分嗰樣,所以好多人同另一半只是名分不再,實際就仲有好多手尾。

楊寶玲

去年 11月第三度披嫁衣的楊寶玲,重投初戀情人懷抱。但本刊發現前年跟第二任丈夫黃延年分開的她,至去年 4月才將跟前夫聯名擁有的半山物業,以 6600萬出售套現,至此再無瓜葛。

戴夢夢

去年 6月戴夢夢搭上 49歲人夫太極鼓手朱翰博 Ricky,正印 Anne公開數臭,爆出原來 Ricky一直未與老婆搞離婚,多年靠女方經濟支持的他,更拒付贍養費。

黃宇詩

14年 8月,黃宇詩被發現與人夫 Peter拍拖兩年兼同居,導致對方離婚,黃堅稱是在男友離婚後才發展。但 Peter的次子於 13年初還在 facebook上載一家五口食飯家庭照,證明男方當時仍未離婚。

城城講心唔講金

郭可頌對熊黛林出手闊綽,身家更豐厚的天王郭富城就唔同女友講錢,與 Lynn拍拖七年間,送過的禮物,五隻手指數得晒。

80萬 jeep

愛車如命的城城, 12年 10月送了架價值 80萬、型爆的 Range Rover Evoque四驅車給 Lynn作為 32歲生日禮物。

鑽石頸鏈

12年 2月尾出席鑽飾活動時, Lynn自爆情人節收到男友送的鑽石頸鏈,可惜城城死口唔認,女友十分冇癮。

3卡求婚鑽戒

12年,城城豪擲 100萬買了隻 3卡鑽戒在馬爾代夫向 Lynn求婚,女方收下鑽戒答應婚事,最後還是分手收場。

撰文、攝影、攝錄:娛樂組


鍾意就快D Share啦!