2020年5月7日星期四

黃翠如背夫偷食蛋糕　唐詩詠認做情婦：我知這段關係不能長遠 #唐詩詠 #黃翠如

黃翠如背夫偷食蛋糕　唐詩詠認做情婦：我知這段關係不能長遠

黃翠如（左）背老公密會「情婦」唐詩詠偷食蛋糕。

本月3日便踏入38歲的唐詩詠，日前已獲好友黃翠如送上蛋糕慶生，未料事隔3日，詩詠再於社交網貼出二人合照，相中又有一個士多啤梨蛋糕，她搞笑寫道：「呢個人已經陪我食咗四個蛋糕，但我哋每次見面總是偷偷摸摸，我覺得自己係佢嘅情婦，要等佢老公開緊工，佢先可以出嚟陪我，雖然偶然有失望嘅時候，但每次還是充滿期望，不過我知道這段關係不能長遠，但求每次都開心吧。」

一眾網民睇見都話笑爆，有不少抵死人留言：「搞咩兩個死黨見面變到好似偷情，你哋真係幾Sweet」、「講到你好似真係小三咁」、「可能其實Edwin先係情婦」、「Fish偷食蛋糕」等，亦有人催促詩詠：「還是快點搵番個男朋友陪你吧。」好友楊潮凱亦打趣道：「果然係黑洞。」詩詠就回覆：「個洞深咗好多。」未料，後來翠如又於Ig story貼出一張詩詠許願照，並寫道：｢第五個陪切的蛋糕。你應該是我最寵幸的佳麗。」究竟二人仲要一齊食幾多個蛋糕？