歐錦棠擔任監製、編審、動作指導兼主演的電視劇《打天下》將於周五播出大結局，劇情發展亦趨向緊湊，昨晚故事發展善善因為擔心莊惠的身體未復原，於是從一當手下的手上，買了一支禁藥，兩人因此而產生爭執，其後因為禁藥一事曝光，一當要抽出放料的人，結果矛頭指向善善，不過過程上拳手阿細不忍心對善善下毒手，最後通知莊惠救善善。其後莊惠獨自找阿細「算賬」，兩人後巷大打出手，阿細在途中因為體力不支，搶了莊惠身上的禁藥後，最後竟然猝死！
其後歐錦棠在FB亦有出post，他說：「莊惠私了阿細，係廿集裏面打得最殘忍嘅一段，係你死我亡嘅街頭實戰處理，亦係莊惠首次真正使用『暴力』嘅時候。成場戲拍足9粒鐘，好多動作即教即學即用，衰女包走牆、撞硬物、360度飛踢、jump side kick⋯乜都係第一次！乜嘢人嚟㗎？！」飾演莊惠的談善言，亦有在IG貼出當日拍攝時的花絮，她還說：「憤怒不甘遮蓋了一切。有些東西不放在你面前你不會去想，放在你面前就會忍不住想要。」事實上有不少網民留言，讚阿談和飾演阿細的黃溢濠打得出色，雖然有網民留言有否用替身，歐錦棠則回覆：「你係咪睇少阿談呀？而家新嗰班演員咪就係吓吓都用替身，所以冇一個走到出嚟囉。係有代價㗎。當然，你都識得用專業兩個字，你都要相信我做武指都係專業嘅，我第一件事就係顧及演員嘅安全！」
在預告片上見到今晚播出的一集，一當會將阿細的死嫁禍到莊惠身上，藉此掩飾買禁藥一事，但歐錦棠預告今晚要有心理準備，如果有小朋友一齊睇，真係要家長指引。今日阿談接受《蘋果》訪問，她說：「呢場真係爛仔交，見到大家嘅留言，真係覺得好開心，拍攝嗰日真係拍得好辛苦，拍咗9個鐘，拍完之後成個人都散咗，隔咗幾日又要拍打比賽嘅戲，成日身都未好返。不過呢場戲都還可以，算係半真打，跟住去到同棠哥喺沖繩對打，仲有奧運嗰場打得仲甘。」她還說：「之前都有人問我點解會夠膽接，但係其實都冇得唔接，坦白講，打係好吸引，係好有趣，對於我哋嚟講，有得接一定會接，『莊惠』可以話係我拍咁多套戲，最鍾意嘅一個角色，因佢真係好tough，而呢種tough唔係一般人可以做到。」
不過最終可以得到讚賞，阿談笑言「打得抵」：「其實初初阿細呢個角色，只係搵武指去做，但係最後搵咗黃溢濠做，跟住越寫越立體。」對打當然有一定的捧場客，但與善善和好，令不少觀眾動容：「我自己睇返都覺得好感動，有啲想喊，呢一場係繼師父死之後，另一場最痛嘅戲，師父嘅死對莊惠嚟講，係無力為力，但係嗰場戲係人生一個大顛覆，用暴力去推翻晒佢嘅信念，師父留低畀佢嘅嘢，推翻晒馬剛正教佢嘅嘢，係好痛心。」劇情之後發展，阿談笑說：「呢樣要你自己睇落去，講咗出嚟就唔會好睇，我哋一路都鋪落去，最精彩就係喺晒呢幾集。」
再問會否希望可以拍續集，阿談說：「可以搵原班人馬再合作，但係未必要有續集，成個故事喺呢度完咗已經係好好，停喺一個啱嘅位置，觀眾更加記得。」《打天下》播映完後，《嘆息橋》將會接捧播出，阿談亦有份參與演出：「我唔擔心觀眾會混淆，因為兩個角色係好唔同，我反而擔心啲人覺得係莊惠扮弱，我好開心自己可以試到呢類角色，等大家都知道，其實我都有軟弱嘅一面。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|