天王郭富城（城城）出席出席單手掌上壓挑戰閉幕禮，於台下受訪時問到是否真的想過當警察？他笑話係，仲自嘲拍完《寒》入戲好深：「今日見到真正嘅處長（警務處高級助理警務處長兼行動處處長鄧炳強）係緣分，企喺佢隔籬好似同佢係同事咁，當時拍《寒》做最年輕嘅警務處處長都好享受，做到咁高職位好受人景仰，保護市民有份英雄感同責任感。」問到可會讓已過半歲的囡囡當警察？城城即時護女封口指：「太遙遠嘅事。（咁你會想囡囡做咩？）家庭事遲啲再同大家分享。」
籲養寵物前要三恩
身為動物守護計劃大使的城城不忘呼籲大家養寵物前要三恩，不要當寵物是玩具玩完就遺棄，要有責任心。城城又指因為工作時間不穩定，即使鍾意小動物都無養。
打破自己紀錄
談及100場巡迴演唱會，城城表示體能最重要，要長時間去準備：「唔似得只係做香港場咁，做完十幾場就可以放鬆，依家要需要3年時間，心情都好興奮，要Keep住狀態，願意接受呢個極限挑戰。」城城又謂身邊有好好的教練控制飲食同運動量，有信心做得到。問到這豈不是破不了張學友的147場演唱會紀錄？城城打趣回答紀錄是自己破自己，如果自己做得到就已經好滿足，他又話接下來的3年會以演唱會為先，電影為客，避免接拍會令身材走樣的電影。
放棄食麻辣火鍋
城城又透露現正實行營養餐單，笑指要為破紀錄放棄最愛的麻辣火鍋：「要成果就要付出同犧牲，願意放棄麻辣火鍋，又會戒糖、鹽、油，同埋每日只可以飲一杯咖啡。人生有好多挑戰，當中健康是最重要，所以I’am Ok。」問到巡演是會否不捨愛妻方媛及愛女？城城笑話唔會：「都唔係連續走3年唔返屋企。（會唔會帶埋去？）3年後個女都3歲，到時都識唱我嘅歌。」城城又慈父上身微笑指希望自己能做到好榜樣：「畀囡囡睇到Daddy認真工作，有上進心，突破自己，宣揚正能量！喺現實中唯一做唔到係做警察保護大家，就惟有用歌聲感染大家。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
