張艾嘉走訪過非洲大部分地方。
藝人張艾嘉以嘉賓身份出席「饑饉三十」開幕禮，並在台上與林嘉欣一起帶領眾藝人進行誓師儀式。接受訪問時，張艾嘉表示已經是連續25年參與該活動：「早期嘅時候我會留喺現場參與嘅，不過近幾年我都有工作在身，不過我由尋晚8點之後已經冇食嘢，等到聽晚7點應該會超過30個鐘。其實呢個只係象徵式嘅行為，如果有小朋友或者老人家身體狀況唔適合就唔好勉強，有份心意已經足夠。我小朋友細個嘅時候都有支持，不過依家人喺外國啦就冇辦法。」
問到身為終身義工的張艾嘉可有難忘的義工經歷？她感性地說：「呢廿幾年來我真係走訪過非洲嘅大部分地方，親眼見到饑餓同戰爭係點樣令到當地嘅人受到苦難，經歷過戰爭折磨嘅人就算可以重新生活都會好痛苦，仲有啲小朋友剩番一隻手、一隻腳，嗰啲經歷真係一世難忘。」不過她就說自己不擅長在電影中拍攝這種題材：「我自己未必識得拍到呢啲內容出來，但係我意識到戰爭對人類有毀滅性嘅影響，所以我好希望人同人之間可以有好嘅關係，我嘅電影裏面成日都會講愛，有啲人覺得好老土，但係愛係一樣人哋要求唔嚟嘅嘢，大家唔好因爲環境或者忙碌，就忽略咗同屋企人溝通嘅時間，要珍惜彼此嘅愛。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
