「其實係因為嚟緊五月二十六、二十七日有自己嘅個人演唱會，好希望以一個最佳狀態喺台上做呢兩場表演，所以特登嚟到呢度，希望呢位私人教練可以將我訓練，唔需要好似張家輝咁樣，但至少都係一個fit body。」觀眾對胡琳嘅認識，可能係TVB播出嘅《溏心風暴3》，未必知佢係歌手出身。「當然大家通過電視劇認識到我，自己都開心嘅，真係多咗好多人關注，無論演戲、唱歌，因為有好多人係因為睇咗套戲，知道我原來做戲都OK，之前無聽過我唱歌，不如聽吓啦，又發覺都幾鍾意，我覺得其實係相輔相成。又或者係之前唱歌方面做得唔夠多、唔夠好，可能大家就未認識到，但通過其他方法可以認識到，我覺得係好好彩嘅一件事。」
嚟緊演唱會會唔會邀請一班合作過嘅演員嚟睇？「會，會請唐文龍嚟睇，佢好客氣，成日都話要自己買飛，佢係講真㗎，因為佢係一個好認真嘅一個人。講真就算今次演唱會，都會喺美國請九位樂手嚟香港，譬如演唱會又好，或者唱片又好，某種程度上公司成本係重咗嘅，所以有時會聽到啲歌迷話，點解你啲唱片會賣得特別貴，我諗大概貴兩三成，演唱會飛點解唔可以平番啲，等大家容易啲負擔，其實真係都已經盡量調低價錢，但成本真係好高，我諗每樣嘢都有得有失，因為我成日都解釋俾人聽，所以佢哋都明白嘅。」
立即按此連結Download:https://goo.gl/NVySCK
來源 source: http://nextplus.nextmedia.com
|
鍾意就快D Share啦！
|
|
|
