掃呢頁CODE去手機

2018年4月7日 星期六

【苦等16年】林志玲同言承旭再分手 原因竟然係... __,志玲,言承旭,林志玲,

感情事,一向都係「剪不斷,理還亂」,就好似言承旭同林志玲咁,佢哋嘅關係一直都好撲朔迷離,去年11月就爆出佢哋世紀復合,跟住又傳出佢哋會喺峇里秘婚,但係 ...


感情事,一向都係「剪不斷,理還亂」,就好似言承旭同林志玲咁,佢哋嘅關係一直都好撲朔迷離,去年11月就爆出佢哋世紀復合,跟住又傳出佢哋會喺峇里秘婚,但係疑團就喺林志玲日前到杜拜出席活動時解開咗,佢當時用咗四「沒」回應傳媒:「沒有懷孕、沒有結婚、沒去峇里島、沒有戀情」,即係話宣佈單身,踢咗言承旭出局。而一直低調嘅言承旭,噚日就喺大陸跳水運動員秦凱嘅微博出現,見到言承旭同秦凱好親密咁搭晒膊頭影相,秦凱留言話:「姿姐(佢老婆何姿)的男神和姿姐的男人❗️」

兩位當事人都現過身,咁今日就有台灣傳媒報道話有林志玲嘅好友代佢出頭,講番點解佢要咁決絕同言承旭劃清界綫喎!

據報道所講,林志玲嘅好友就話自從言承旭同林志玲喺馬來西亞私會後,二人秘密復合本來係一件好事,但係男方就好似以前咁,成日玩失蹤,令到林志玲嘅心靈又再一次受傷。好友仲透露話,林志玲原本都相信言承旭係有苦衷,偏偏喺呢個時候就爆出閃婚、懷孕等傳言,但係男方就一直未有作出回應,只係得林志玲承受壓力,獨自面對媒體,言承旭則依然故我,就係咁令到林志玲陷入進退兩難嘅不堪局面。

除咗言承旭玩失蹤外,今年2月,林志玲因病要停工養病,佢好友就話其實林志玲病得咁嚴重,除咗係因為感冒,其實好大原因係因為「感情」壓力,所以林志玲同言承旭感情糾纏16年,都唔能夠開花結果,仲要喺復合後唔夠4個月,關係又再急轉直下,完全係有跡可循。

精選娛聞,喺晒《娛果》

http://fb.com/appledailyent



林志玲同言承旭復合唔夠4個月,又再分手,原因竟然係...
林志玲早前到杜拜出席活動回應自己沒有戀情,宣佈單身。(資料圖片)
秦凱喺微博貼出同言承旭嘅合照。(微博圖片)

鍾意就快D Share啦!