2018年4月7日 星期六

望開紅館騷 王浩信恨重拾音樂夢 __,王浩信,

相信唔止王浩信想,粉絲都想睇呀!藝人王浩信(Vincent)今日到銅鑼灣廣東歌音樂會演出,帶來多首大熱劇集主題曲。他說時代廣場對他來說是有特別情意結的 ...


相信唔止王浩信想,粉絲都想睇呀!


藝人王浩信(Vincent)今日到銅鑼灣廣東歌音樂會演出,帶來多首大熱劇集主題曲。他說時代廣場對他來說是有特別情意結的地方:「記得自己13年前瞞住屋企人簽咗做歌手,直至到自己出咗第一首結晶品,就係《訊號》,我同媽咪講有個驚喜要畀佢,叫佢去睇,所以呢個地方對我嚟講係有特別意義,我今日都有叫番我媽咪嚟睇。(唔叫埋太太來睇?)來唔到呀,佢喺內地開緊工。」

Vincent又大讚戶外騷氣氛好:「好少試過可以喺咁旺嘅地方唱歌,估唔到大家反應好正,我唱完都仲回味緊!」他說雖然自己今年的時間都是大部分安排去拍劇,不過自己一直都想重拾音樂夢:「不嬲都想擺多啲時間喺音樂上面,我有個心願一直未實現,就係想開紅館騷。好好彩上年拍劇都算係有少少成績,都好想可以喺音樂上面有成就。(有唱片公司同你傾?)都有啲人問我有冇興趣,但係我覺得唱歌要有充足嘅時間去準備,自己未有呢個時間去做,有機會嘅話我都想成為將廣東歌發光發熱嘅一份子。」

期待一家三口出騷

他笑言平時常常不自覺哼歌,亦會唱歌給囡囡聽:「佢有一次現場睇我做騷,聽過我唱陳奕迅嘅《演唱會》,可能佢鍾意個節奏夠輕快,聽到我唱就會跟住首歌一齊跳。(會唔會父女檔出騷?)我就覺得唔適合嘅,但係個女好似有呢個意向。(叫埋太太一齊?)我都好期待有咁溫馨嘅畫面出現。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...