掃呢頁CODE去手機

2018年4月7日 星期六

【南生圍縱火】夏蕙姨憤怒了:下次再燒,我就讓半球或唔着衫影寫真 __,夏蕙,黃夏蕙,

元朗南生圍接二連三咁被縱火,日前又又發生縱火事件,其中一個橫水渡碼頭旁邊一個木板搭建的斜台冒煙起火,連帶綁在搭建物的船隻亦告燒毀(新聞連結:https ...


元朗南生圍接二連三咁被縱火,日前又又發生縱火事件,其中一個橫水渡碼頭旁邊一個木板搭建的斜台冒煙起火,連帶綁在搭建物的船隻亦告燒毀(新聞連結:https://bit.ly/2H6gOmN),事件引起各界注意,連黃夏蕙都憤怒了,仲喺fb留言話:「下次再燒,我就實行讓半球或者唔着衫咁影,實行抗議呀!」

位於元朗的南生圍,其中來往山貝村至南生圍嘅南生圍橫水渡,是香港唯一一條手動載人航線,不足1分鐘的航程接載居民及遊客往返南生圍婚紗橋,白千層路及大草地等,都係港人假日熱門旅遊點。南生圍除了是港人旅遊嘅熱點外,其實都係電視劇同電影嘅拍攝熱點,好似劇集《尋秦記》、《胭脂水粉》及《翻生武林》等。電影更是多不勝數,其中杜琪峯導演嘅《黑社會》、《放逐》、《復仇》及甄子丹主演嘅《殺破狼》等。之前南生圍發生火警後,發哥都話可惜,慶幸沒有人受傷,佢話:「花草好快生番,最緊要人冇事就OK!」

日前黃夏蕙都憤怒了,更親生到南生圍,影番幾張靚相上載到fb,並留言話:「南生圍係香港僅存嘅寧靜地方,諗番舊陣時拍電影個陣,武打片就去城門水塘;拍愛情片就一定係南生圍。而佢哋最出名嘅食物就係『鹹雞』,今日仲係農莊裏撞到個中學小師妹;環境寧靜到您可以無拘無束咁同大自然同呼吸一口空氣。同一個地方有好多個景點,俾大家玩足一日,仲可以學曉如何尊重大自然嘅態度。野火燒不盡,希望住後日子能夠春風吹又生。唉!要地方起樓,香港仲有大把可以揀,何必要搞呢度啦?今次就着住衫影寫真,下次再燒,我就實行讓半球或者唔着衫咁影,實行抗議呀!可憐吓我呢個老人家,唔好再搞南生圍,俾香港後花園呢個美譽流傳落去啦。求求你,你不懂的!」

今日夏蕙姨回覆《蘋果》時,佢就話冇諗過會發生咁嘅事,佢話話:「放火啲人好無良,火冇眼,會冚包散,除咗燒咗自然環境又會禍及附近居民,如果燒咗人哋家園咪好無辜,大自然又有好多動物,佢哋都無家可歸。點能做損人利己事,希望政府一定要徹查起因,唔可畀呢啲事件再發生。」夏蕙姨又講到點解佢咁鍾意南生圍,因為有一次拍微電影,嗰次就鍾意咗:「其實嗰次之後,我都冇時間再去,但點知就聽到呢個消息,真係好可惜。」

精選娛聞,喺晒《娛果》

http://fb.com/appledailyent

夏蕙姨日前喺fb講到南生圍縱火一事,令佢好嬲。(fb圖片)
佢話南生圍早喺粵語片年代已經拍愛情片嘅熱點。(fb圖片)
今次夏蕙姨就話着衫影寫真,下次再燒就唔着衫喎!(fb圖片)
夏蕙姨仲話南生圍最出名嘅食物就「鹹雞」。(fb圖片)
(fb圖片)

鍾意就快D Share啦!