掃呢頁CODE去手機

2018年4月7日 星期六

自行禁食!林欣彤仲要抵受炸雞誘惑 __,林欣彤,

林欣彤話佢試過自行禁食。歌手林欣彤(Mag)現身饑饉三十為饑饉營友打氣。問到會否身體力行參與,她笑謂:「唔食嘢我驚會冇力唱歌,所以今日就做唔到30個鐘 ...


林欣彤話佢試過自行禁食。


歌手林欣彤(Mag)現身饑饉三十為饑饉營友打氣。問到會否身體力行參與,她笑謂:「唔食嘢我驚會冇力唱歌,所以今日就做唔到30個鐘唔食嘢,不過我會自行喺之後一日做番。我讀書嘅時候試過自行饑饉,即係揀唔入饑饉營然後自己喺屋企度唔食嘢,不過咁樣做係有個難度,就係你唔會叫到屋企人陪你一齊做,我試過勁餓,到第二朝細佬仲喺我身邊食炸雞,所以呢件事真係好講意志力,好彩我都算堅定嘅。」

Mag又鼓勵大家傳揚愛心:「我覺得重要嘅唔係我哋喺呢度做饑饉呢個行為,而係有好重要嘅教育意義,我哋坐喺呢度嘗試嘅肚餓感覺係世界上好多人每日都面對緊嘅事,希望大家都可以透過自己嘅力量將呢個訊息宣揚開去。」

助養非洲兒童

Mag分享自己從中四就開始助養一位非洲兒童,超過十年嘅時間:「嗰陣時自己都冇錢,就盡量慳啲錢出來,完全唔會出街食飯,盡量令到自己冇咩使費,其實係可以。上次去宣明會探訪我都有諗過可唔可以同佢見面,不過嗰次就去咁菲律賓,就見唔到,我又覺得重要嘅唔係見唔見到面,而係可以幫到佢。我都想有一日可以成立到慈善基金去幫人,每個階段都有能力上做得到嘅嘢,幫到啲咩就去做咗先。」

----------------------------

東網巨星開咗ig喇,大家快啲follow

https://goo.gl/KGuo2N  


來源 source: http://hk.on.cc
鍾意就快D Share啦!