2018年4月7日 星期六

【朋友中招】疑遭冒名行騙 肥媽報警備案 __,肥媽,

肥媽話被人用佢個名行騙,已經去咗報警備案!藝人肥媽(MariaCordero)與陸浩明到將軍澳電視城為新一輯《食平D》錄影,肥媽昨晚在社交網站上透露遭 ...


肥媽話被人用佢個名行騙,已經去咗報警備案!


藝人肥媽(Maria Cordero)與陸浩明到將軍澳電視城為新一輯《食平D》錄影,肥媽昨晚在社交網站上透露遭不法之徒以「肥媽私房菜」為名搞團購,對方更盜用其個人相片疑冒名行騙,她表示昨晚已到警局備案,並強調當中有涉及食品,如有事她要負責:「我已經向社交平台投訴,仲去咗跑馬地備案,我有個朋友同我講真係買咗,佢話見到肥媽嗌買嘢,好順理成章喎!(出律師信?)依家保留呢個權利。(警方點講?)我都只係師奶,佢哋都話必須備案嘅。」

發現自己有號召力

肥媽又指除了廚具外,自己愛戴的玉器亦疑似遭冒名行騙,她指早年已在香港及內地以「肥媽」之名註冊:「之前都有旺角小食店用肥媽呢個名,我同佢講我註冊咗,後尾佢改咗名,不過有時大家都係做生意,只係唔想有人受騙。」肥媽又笑言經歷此事後才發現自己有號召力:「如果我要開餐廳,十幾廿年前開咗如果我要搞一定搞大嘅,同啲有連鎖店、有中央廚房嘅合作,如果我開一間半間,我去湊孫、登台唱歌好過我都要多謝佢哋提醒我,原來肥媽叫買嘢咁多人買嘅,或者我一家四代三十人搞個網站,牙線、尿片呀乜都代言晒」

同李家鼎各有各做

講到被指開節目為免被主持同類節目的李家鼎搶走人氣,肥媽否認說:「我使唔使呀?我呢個節目開到第七輯,加上之前做搵食節目,我同鼎爺係各有各做,大家都唔相及。」肥媽又透露十一月孫女出嫁,好快會四代同堂,即大呻身旁的契仔陸浩明不夠爭氣:「同人個女瞓咗咁耐,又唔結婚又冇嘢出,淨係出鬚!」令陸浩明聞言即投晒降急急安撫「阿媽」!

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...