小心凍親呀～
南生圍一個月內三歷火劫，橫水渡碼頭喺日前又疑遭縱火焚毀，事件引起各界關注，連資深藝人黃夏蕙都憤怒了！
日前黃夏蕙盛裝遊南生圍，仲將郊遊相片上載到社交網，佢留言話：「南生圍係香港僅存既（嘅）寧靜地方，諗番舊陣時拍電影個（嗰）陣，武打片就去城門水塘；拍愛情片就一定係南生圍。而佢地（哋）最出名既（嘅）食物就係《鹹雞》，今日仲係（喺）農莊裏撞到個中學小師妹；環境寧靜到您可以無拘無束咁同大自然同呼吸一口空氣。同一個地方有好多個景點，畀大家玩足一日，仲可以學曉如何尊重大自然既（嘅）態度。野火燒不盡，希望住後日子能夠春風吹又生。」
之後黃夏蕙愈講愈激動，更加因為嬲豬而發表驚人嘅「裸體影寫真」宣言：「唉！要地方起樓，香港仲有大把可以揀，何必要搞Lee（呢）度啦？今次就著（着）住衫影寫真，下次再燒，我就實行讓半球或者唔著（着）衫咁影，實行抗議呀！可憐下我Lee（呢）個老人家，唔好再搞南生圍，畀香港後花園Lee（呢）個美譽流傳落去啦。求求你，你不懂的！」唔少網民都讚黃夏蕙講得好，不過都有人勸佢冷靜少少，始終唔着衫好易凍親呀！
來源 source: http://hk.on.cc
|
鍾意就快D Share啦！
|
|
|
